Victoria vill kynlíf fimm sinnum á dag

Victoriu Beckham langar svo mikið að verða ólétt að fjórða barni þeirra hjóna að bólfara er krafist allt að fimm sinnum á dag. Eiginmaðurinn er sagður gjörsamlega búinn á því.

David Beckham meiddist í leik um daginn og eyðir því flestum dögum á fjölskylduheimilinu í Los Angeles. Þetta nýtir Victoria til fullnustu og er búin að búa til stundatöflu fyrir kynlífið þar sem kemur fram hvenær bestar líkur eru á frjóvgun. Þetta þýðir að David þarf að vera í startholunum hvenær sem þess er krafist og standa sig í stykkinu. Þessa dagana er Victoria stödd í London og er David sagður hálffeginn nýta tímann til hvíldar á meðan.

Victoria og David eru 35 og 34 ára. Þau eiga fyrir synina Brooklyn, sem er 11 ára, Romeo 7 ára og Cruz 5 ára. Í þetta skiptið langar þau til að eignast dóttur.