Rihanna gæsar Kate og Kanye steggjar Russell | Myndasafn

Svakalegt stjörnubrúðkaup virðist vera í uppsiglingu. Bandaríska söngkonan Kate Perry og breski háðfuglinn Russell Brand ætla að gifta sig á Indlandi seinna á árinu.

Búast má við því að stjörnuhersingin fylgi þeim í athöfnina en stemmningin í gæsa- og steggjapartýunum verður örugglega villtari. Engir aukvisar koma að þeim þar sem söngkonan Rihanna hefur tekið að sér að skipuleggja gæsunina og rapparinn Kanye West er með rosaleg plön sem veislustjóri steggjapartýsins.

"Við byrjum í New York á klúbbnum hans Jay-Z eitt eða tvö kvöld. Svo fáum við þotuna hans Jay lánaða og fljúgum til Vegas. Við ætlum reyndar að bjóða Simon Cowell þannig að menn geta valið úr einkaþotum," segir Kanye. Hvað gæsakvöldið varðar þá eru bæði Kate og Rihanna þekktar fyrir að taka vel á því í næturlífinu þannig að leiða má líkur að því að þær gefi strákunum ekkert eftir.