Of loðinn fyrir tattú

Íslandsvinurinn og leikstjórinn Eli Roth, 38 ára, segist vera allt of loðinn á líkamanum til að vera fær um að fá sér húðflúr.

Eli, sem er nýbyrjaður með Peaches Geldof, er hrifinn af húðflúrum en segist ekki geta fengið sér slíkt af því að hann er svo loðinn.

„Nei ég er ekki með tattú. Það hefur ekkert verið sett neitt á líkama minn. Ef ég gæti það væri ég búinn að setja risa mynd af Darth Vader, eina Van Halen mynd og myndir af Iron Maiden Eddie út um allan líkamann á mér," sagði Eli.

„Ég er mjög loðinn allsstaðar og þegar líkaminn er þakinn hárum þá er einfaldlega ekki pláss fyrir húðflúr," sagði Eli.