Charlie Sheen vill fara í fangelsi

Vandræðagemlingurinn Charlie Sheen vill helst sitja af sér þrjátíu daga fangelsisdóminn sem allra fyrst.

Hann átti að fara í fangelsi á mánudag en málinu hans hefur verið frestað til 12. júlí. Ástæðan er að enn er eftir að ganga frá smáatriðum í samningnum sem hann gerði við saksóknarana.

Sheen er undrandi á að vera kominn aftur heim til sín í Los Angeles þótt hann hafi játað að hafa ráðist á eiginkonu sína á jóladag.

„Þetta er súrsæt tilfinning. Það er gott að vera kominn heim en ég væri samt alveg til í að drífa þetta af," segir hann.