Madonna flytur til Lundúna

Þokkagyðjan Madonna ætlar að flytja til Lundúna í sumar vegna nýrrar myndar sem hún er með í bígerð.

Slúðurblaðið The Sun segir að Madonna hafi áður búið í Lundúnum en hún flutti til New York eftir skilnað hennar og Guy Ritchie árið 2008. Gert er ráð fyrir að hún verði í hálft ár í Lundúnum, á meðan að upptökur á myndinni fara fram.

Myndin fjallar um það þegar Edward VIII, konungur Breta, afsalaði sér bresku krúnunni til þess að geta gengið að eiga ástina í lífi sínu, Wallis Simpson.

Gert er ráð fyrir að Ewan McGregor muni leika Edward VIII.