Nýtur þess að kvelja leikarana sína

Leikstjórinn magnaði, Danny Boyle, nýtur þess að kvelja leikara sína þegar hann leikstýrir þeim. Þannig rak hann hjartaknúsarann James Franco í 50 daga útilegu ásamt myndatökumanni.

Ástæðan er sú að Boyle er nú að frumsýna kvikmyndina 127 klukkustundir sem segir ótrúlega sögu Aron Ralston sem festi hönd sína á milli tveggja grjóta árið 2003. Að lokum sagaði Aron af sér höndina og bjargaði þar með lífi sínu.

Danny Boyle er langt því frá nýgræðingur í kvikmyndageiranum en hann leikstýrði meðal annars Viltu vinna milljarð. Þá leikstýrði hann einnig hinni frábæru kvikmynd Trainspotting.

Danny sparar ekki lofsyrði um eigin mynd og segir um hana: „Þið munuð ekki sjá svona kvikmynd á hverjum degi. Ég vona að þið séuð reiðbúin fyrir hana."