Ósátt við allt fyrir neðan mitti

Leikkonan Helen Mirren, 65 ára, hefur lengi vel verslað spariskóna sína í strippara-búðum eða með öðrum orðum verslunum sem selja fatnað, aukahluti og skó fyrir konur sem dansa súludans og afklæðast gegn greiðslu.

Helen segir að hælaskórnir sem stripparar eru vanir að nota í vinnunni henti sér einstaklega vel. Þeir efla sjálfstraustið hennar þegar hún gengur á þeim og svo heldur hún því fram að hún líti út fyrir að vera grennri í vextinum þegar hún gengur í skónum.

„Þessir hælaskór sem strippararnir nota hækka mann og láta leggina líta út fyrir að vera grennri og lengri en ella. Hér áður fyrr voru þeir aðeins til í strippara-búðum en í dag er hægt að kaupa þá í nánast öllum skóbúðum," sagði Helen sem uppgötvaði umræddan skóbúnað fyrir allmörgum árum.

„Mér finnst hluti af líkama mínum vera mjög fallegur en svo eru aðrir líkamshlutar sem ég er engan veginn sátt við. Ef ég á að vera alveg hreinskilin er ég mjög óánægð með allt fyrir neðan mittið á mér," sagði Helen.