Leikkona selur kynlífsmyndband

Vandamál golfarans Tiger Woods halda áfram að hrannast upp. Á dögunum var sagt frá því að klámmyndaleikkonan Devon James hefði tekið upp myndband af sér og Woods í djörfum dansi. Nú hefur hún selt framleiðslufyrirtæki myndbandið, samkvæmt gula vefnum Radar Online.

„Ég er búinn að sjá myndbandið og get staðfest að Tiger Woods leikur þar nokkrar holur,“ segir viðmælandi Radar Online – augljóslega með skopskyn á heimsmælikvarða. „Hann getur verið nokkuð grófur – hann er reyndar mjög grófur!“

Myndbandið ku hafa verið tekið upp í íbúð í Flórida fyrir tveimur árum. Heimildarmaður vefsins er þess fullviss að Tiger Woods sé maðurinn í myndbandinu. „Brosið hans þekkist hvar sem er,“ sagði hann. „Ég trúði ekki mínum eigin augum!“