Vill umfram allt snerta áhorfendurna

Leikkonan Natalie Portman, 29 ára, heldur því fram að þegar bíómyndirnar sem hún leikur í hafa djúp áhrif á áhorfendur verður hún ánægð. Verðlaunagripir toppa ekki þá tilfinningu.

„Ef fólk tengir sig við myndirnar mína þá er ég sátt. Það er besta viðurkenningin," sagði Natalie en miklar líkur eru á að hún fái Óskarstilnefninu fyrir leik sinn í nýrri spennumynd sem ber heitið Black Swan, þar sem Natalie fer með hlutverk ballerínu.

Natalie lifði sig inn í hlutverk ballerínunnar og það kom sér vel að hún stundaði ballet þegar hún var yngri en fyrir myndina þurfti hún faglega aðstoð við dansinn og við að koma sér í gott líkamlegt form.