Megan Fox bauð slúðurljósmyndurum með í bikiníferðina

Bandaríska leikkonan Megan Fox hefur haft áhyggjur af því hvað fólk héldi um hana eftir að tilkynnt var að hún myndi ekki leika í Transformers 3. Flestir sögðu hana rekna en hún neitar því.

Þess vegna ákvað hún að fara niður á strönd með kærastanum sínum, Brian Austin Green, klæða sig úr efnismiklu flíkunum, láta alla helstu slúðurljósmyndara vita að hún yrði fáklædd í sjónum og sýna þar og sanna að þessi tíðindi hefðu engin áhrif á hana. Eða líkama hennar.

Þessari sögu heldur vefsíðan Absolute Now fram og hefur eftir heimildarmanni sínum að Megan hafi stórar áhyggjur af orðspori sínu í kvikmyndaheiminum. „Hún vildi bara sýna öllum að þetta hefði engin áhrif á sig. Eða líkama sinn. Hún sér þetta ekki þannig að hún hafi verið rekin frá myndinni og þessar bikinímyndir voru hugsaðar sem staðfesting á því að þetta hefði engin áhrif á ferilinn eða sálarástand hennar.