Annie Lennox berst í þágu kvenna og gegn eyðni

Annie Lennox hefur verið ráðinn sem sérlegur sendiherra Sameinuðu þjóðanna í baráttunni við AIDS og HIV-veiruna. Söngkonan hefur lengi látið sig málið varða og hefur eiginlega verið í fremstu víglínu síðustu tuttugu ár. Hún setti meðal annars á fót SING-verkefnið sem hafði það markmið að kynna heilbrigðisþjónustu og nám fyrir konum og börnum í Suður-Afríku.

Annie Lennox fékk þar að auki í vetur sérstök verðlaun frá Nóbelsnefndinni fyrir ósérhlífna baráttu sína í þágu kvenna útum allan heim. Lennox var gerður að sendiherranum á miðvikudaginn. „Sú grimmd sem konur og ungar stelpur verða fyrir um allan heim á hverjum degi er óásættanleg. Ef við ætlum að berjast af fullri alvöru gegn þessum sjúkdómi þá verðum við að breyta stöðu kvenna," sagði Lennox.