Iggy hættur sviðsdýfum

Rokkarinn Iggy Pop er hættur sviðsdýfum í bili eftir að hann meiddist illa á tónleikum í Carnegie Hall í New York. Þar stökk Iggy af sviðinu eins og svo oft áður en í þetta sinn var enginn til að grípa hann. „Þegar ég lenti meiddi ég mig og ég áttaði mig á því að Carnegie Hall er kannski ekki rétti staðurinn fyrir sviðsdýfur,“ sagði Iggy sem er 62 ára.

„Áhorfendurnir föttuðu ekkert hvað ég var að gera.“ Hljómsveit hans, The Stooges, ætlar að taka upp nýja plötu á næstunni eftir að Raw Power-tónleikaferðinni lýkur.