Demi Moore kemur eldri konum til varnar

Leikkonan Demi Moore vildi óska þess að fleiri myndu átta sig á því að eldri konur eru jafn aðlaðandi og þær yngri.

Demi, sem er 47 ára gömul, er rómuð fyrir fallegan líkama, sem hún segir að þakka megi heilbrigðu liferni og jógaæfingum. Hún kann því illa þegar konur eru hunsaðar í Hollywood þegar þær ná vissum aldri og hefur reynt að kenna dætrum sínum þremur að útlitið er ekki allt.

Demi vakti mikla athygli með leik sínum í myndinni Charlie´s Angels: Full Throttle árið 2003. Hún hafði þá ekki birst á hvíta tjaldinu í nokkurn tíma. Hún þótti í fantafínu formi en sumir héldu að hún hefði gengist undir lýtaaðgerðir til að viðhalda útlitinu. Hún segir það vera fjarstæðu.