Mottumenn Íslands mætast í kvöld

Söfnunarátakinu Karlmenn og krabbamein - Mottumars lýkur í kvöld með söfnunarþætti í beinni útsendingu á Stöð 2. Fimm karlmenn keppa um titilinn Mottumeistari Krabbameinsfélags Íslands. Fréttablaðið tók púlsinn á fjórum mottumönnum.

Alls verður ríflega tveggja klukkustunda löng útsending á Stöð 2 í kvöld. Logi Bergmann er kynnir kvöldsins og Villi Naglbítur verður í símaverinu og flytur fregnir af því hvernig gengur. Ýmsir grínarar koma fram, til að mynda Jón Gnarr og Pétur Jóhann Sigfússon.