Flatkökurnar skornar niður í Seðlabankanum

Það er samdráttur í hagkerfi Íslendinga um þessar mundir og ljóst að allar ríkisstofnanir þurfa að bregðast við því. Þetta fengu blaðamenn að reyna þegar þeir voru viðstaddir fund með seðlabankastjóra í dag. Á þenslutímabilinu var blaðamönnum yfirleitt boðið upp á dýrindis veitingar, meðal annars flatkökur, þegar seðlabankastjóri kynnti stýrivaxtaákvörðun bankans. Slíkur fundur var haldinn í bankanum klukkan ellefu í morgun en flatkökurnar var hvergi að finna heldur var boðið upp á kexkökur með kaffinu.