RÚV gerir þátt um Poppstjörnu Íslands

„Þetta verður mjög skrautlegur og flottur þáttur,“ segir Sigrún Stefánsdóttir, dagskrárstjóri RÚV. RÚV hóf nýlega framleiðslu á þætti um líf og starf poppstjörnunnar Páls Óskars Hjálmtýssonar. Þátturinn verður á dagskrá laugardaginn 18. desember, þegar Hringekjan hefur runnið sitt skeið.

„Sigurlaug Jónasdóttir er að byrja að vinna þáttinn með Páli. Þetta verður mjög glæsilegur og flottur þáttur svona rétt fyrir jólin,“ segir Sigrún og bætir við að mikið sé til af efni um Pál sem gaman verður að sýna áhorfendum.