Orlando trúlofaður

Leikarinn Orlando Bloom og ofurfyrirsætan Miranda Kerr hafa opinberað trúlofun sína. Þetta staðfestir talsmaður parsins en sögusagnir um trúlofun hafa sveimað í kringum þau í dágóðan tíma. Bloom og Kerr eru búin að vera saman í þrjú ár en hafa aldrei viljað tala um samband sitt opinberlega.

Fjölskylda Kerr, sem er frá Nýja-Sjálandi, mun vera yfir sig ánægð með ráðahaginn en engin dagsetning hefur verið staðfest fyrir brúðkaupið. Bloom er þekktastur fyrir hlutverk sitt í myndunum Pirates of the Caribbean og Lord of the rings en Kerr hefur getið sér gott orð í fyrirsætubransanum.