Mun ekki létta sig

Í nýlegu blaðaviðtali er haft eftir breska gamanleikaranum Ricky Gervais að hann þoli illa útlitskröfurnar sem gerðar eru í Hollywood.

„Í Hollywood er ætlast til að maður falli inn í ákveðið form og útlit. Ég hef séð fjölda fólks falla í þá gryfju, meira að segja mjög hæfileikaríka leikara. Ég hugsa með mér: Af hverju ertu að svelta þig?" Gervais, sem er eilítið yfir kjörþyngd, hefur þurft að sæta nokkurri gagnrýni fyrir þyngd sína og segist hann þó ekki hafa í huga að reyna að grenna sig fyrir kvikmyndahlutverk.

„Hvað er að í Bandaríkjunum? Mér er nokk sama hvað þeim finnst og ef ég fæ ekki hlutverk af því að ég er með skakkar tennur, þá geta þeir bara átt sig. Þetta er út í hött," sagði leikarinn.