Humarsamloka á 600 vini á Facebook

Facebook samskiptasíðan sem hefur tröllriðið Íslensku netsamfélagi tekur á sig ýmsar myndir. Meðal þeirra sem er með aðdáendasíðu er Humarsamlokan á Pósthúsinu vínbar - bistró og eru yfir 600 aðdáendur af henni á síðunni.

Mikið af þekktu fólki heldur upp á samlokuna frægu. Meðal þeirra er Nadia Banine fjölmiðlakona. „Humarsamlokan er nauðsynlega í þðam innsta einu sinni í viku," segir Nadia.

Meðal annarra þekktra í grúppunni eru Einar Bárðason útvarpsstjóri og umboðsmaður, Erpur Eyvindarson rappari og Jóhanna Vilhjálmsdóttir fjölmiðlakona.

Að sögn eiganda Pósthússins vínbar, sem er eins árs um þessar mundir hafa þeir selt í kringum tólf þúsund Humarsamlokur frá því að þeir opnuðu staðinn.

Mikil veisla verður fyrir viðskiptavini Pósthússins, nýja sem gamla, á laugardagskvöldið á milli 21 og 23 í tilefni af árs afmælinu.