Cameron segir Cruise harðasta nagla sem hún hefur séð

Cameron Diaz segist hafa hrifist af áhættuleikarahæfileikum Tom Cruise þegar þau léku saman í kvikmyndinni Knight & Day.

„Hann er sennilega sá besti sem ég hef séð," sagði Diaz við blaðamenn en myndin verður frumsýnd í lok þessa mánaðar. Sérstaklega segist hún hafa heillast af Cruise þegar hann stökk milli bíla á ferð og hoppaði yfir á húsþök.

„Tom er alveg ótrúlegur, hann er eins og atvinnuáhættuleikari. Ef hann væri ekki kvikmyndastjarna þá væri hann sennilega besti áhættuleikari heims. Ég horfði á hann framkvæma sum áhættuatriðin og öskraði bara eins og smástelpa."

Hér í sýnishorni myndarinnar má sjá nokkur atriðanna sem Cameron er að tala um.