Berst gegn hungri

Söngkonan Christina Aguilera tjáir sig um hungursneyð í nýju hvatningarmyndbandi. Þar skorar hún á fólk að láta sig málið varða.

„Ég sá andlit vannærðra barna á Haítí og í Gvatemala þegar ég fór þangað með matvælahjálp Sameinuðu þjóðanna og það var virkilega erfitt,“ sagði hin 29 ára söngkona, sem er sendiherra Sameinuðu þjóðanna í matvælaaðstoðinni. „Sem móðir veit ég hversu mikilvægt er að fólk fái rétta matinn á réttum tíma og þess vegna er ég staðráðin í að berjast gegn hungursneyð.“