Brotist inn hjá Susan Boyle

16 ára strákur hefur verið ákærður fyrir að brjótast inn til söngkonunnar Susan Boyle á dögunum en hún varð heimsfræg á einni nóttu þegar hún kom fram í sjónvarpsþættinum X Factor í Bretlandi. Susan kom að drengnum inni í íbúðinni en hún hafði verið að syngja inn á lag til hjálpar fórnarlamba jarðskjálftans á Haítí.

Hún hringdi á lögregluna sem náði stráknum sem nú hefur verið ákærður eins og áður segir. Þrátt fyrir heimsfrægðina þykir Boyle lifa fábrotnu lífi og býr hún til dæmis enn í sömu bæjarblokkinni og hún ólst upp í.