Þurfti að yfirgefa flugvél

Hótelerfingjinn Paris Hilton þurfti að yfirgefa flugvél vegna þess að hnífur fannst í vélinni. Hilton var á leið til Hawaii frá Losa Angeles ásamt kærasta sínum Cy Waitz.

Hilton var mjög brugðið vegna atviksins en hnífurinn fannst í sætisvasa vélarinnar og var öllum farþegum gert að yfirgefa flugvélina fyrir flugtak.

„Það er frekar hræðilegt að einhver hafi náð að smygla hníf um alla leið um borð í vélina án þess að vera stöðvaður,“ skrifaði Paris Hilton á Twitter síðuna sína en bætti svo við að hún hlakkaði mikið til að busla í sjónum á Hawaii yfir hátíðirnar.