Haförn orpinn í beinni útsendingu

Svona er myndin á vefnum en hægt er að komast má inn á myndavélina í gegnum vef Reykhólahrepps, reykholar.is. Hjónin á Gróustöðum við Gilsfjörð, þau Bergsveinn Reynisson og Signý Jónsdóttir, létu setja upp vefmyndavélina fyrir tveimur árum sem hluta af verkefninu Arnarsetur Íslands, sem miðar að því að kynna Reykhólasveit.

Fyrsta formlega útsendingin frá arnarhreiðrinu var í fyrravor og fylgdust þá þúsundir manna með varpinu. Örninn varp þá tveimur eggjum í hreiðrið en svo illa vildi til að varpið misfórst. Eggin voru rannsökuð og reyndust þau bæði ófrjó.

En arnarparið gefst ekki upp. Það er nú búið að verpa aftur í sama hreiðrið en ekki er vitað hversu mörgum eggjum, en venjulega eru þau á bilinu eitt til þrjú. Hjónin hafa síðustu fimm daga skipst á um að liggja á en útungunartíminn er um fimm vikur. Ef allt gengur að óskum gætu menn því vænst þess að sjá unga í hreiðrinu undir lok maímánaðar.

Skoða vefmyndir á vef Reykhólasveitar.