Holmes til Glee

Leikkonan Katie Holmes hefur nú staðfest að hún muni heiðra vinsælu þáttaröðina Glee með nærveru sinni í næstu seríu. Holmes, sem er hvað frægust fyrir að vera gift leikaranum Tom Cruise, mun leika gestahlutverk í fimm þáttum í þessaru sjónvarpsþáttaseríu sem sýndir eru á Stöð 2 hér á landi. Þættirnir eru með söngleikjasniði og mun leikkonan vera byrjuð að æfa sig af krafti til að geta látið ljós sitt skína í söng og dansi.

Vinsældir Glee hafa verið gríðarlegar í Bandaríkjunum og keppast stjörnurnar um að fá hlutverk. Þar á meðal hefur söngkonan Katy Perry beðið aðdáendur sína um að stofna Facebook-síðu til að koma henni í þáttinn.