Amy græðir á Glee

Vinsældir sjónvarpsþáttarins Glee í Bandaríkjunum hafa gefið ferli Amy Winehouse stóra vítamínsprautu. Á dögunum sungu krakkarnir í Glee lagið Rehab sem Amy gerði vinsælt fyrir nokkrum árum.

Sagan segir að Amy hafi fengið feitan tékka fyrir notkun á laginu í þessum eina þætti, eða litla 55 þúsund dollara, rúmar tíu milljónir íslenskra króna.

Ekki nóg með það, heldur varð þátturinn til þess að lagið komst aftur inn á topp 100 listann í Bandaríkjunum. Það hefur væntanlega rakað nokkrum krónum í kassann til viðbótar.