Butler elskar Ísland - og að klæða sig í kjóla

Skoski hjartaknúsarinn Gerard Butler kynnir nú nýjustu mynd sína, How to train your Dragon, af miklum móð. Í myndinni, sem er teiknimynd, talar hann fyrir víkingahöfðingja og í viðtali við News of the World segir hann frá ást sinni á Íslandi. Hann elskar reyndar líka að klæða sig upp sem kona, ef marka má viðtalið.

Blaðamaðurinn spurði Butler hvað væri "víkingalegast" í fari hans og segist hann vera afar þrjóskur. „Það myndi sennilega teljast "víkingalegt" en það sem er sennilega minnst víkingalegt í fari mínu er árátta fyrir að klæða mig í kjóla og mála mig."

Síðar í viðtalinu víkur talinu að Íslandi. „Ég er kelti og uppáhaldsstaðirnir mínir á jörðinni eru Skotland og Ísland. Það eitthvað við Íslan - ákveðin harðneskja. Það gerist eitthvað innra með mér þegar ég er staddur þar og ferðast yfir jökla og svartar strendur," segir Gerard og bætir því við að Íslendingar séu mjög andlega sinnaðir og að hann elski íslenska tónlistarmenn á borð við þá sem Sigurrós.

Butler kynntist Íslandi og Íslendingum þegar hann lék í myndinni Beowulf & Grendel árið 2005.