Tíu ráð Hallgríms tilnefnd til þýskra verðlauna

Skáldsaga Hallgríms Helgasonar Tíu ráð til að hætta að drepa fólk og byrja að vaska upp, hefur verið tilnefnd til verðlauna fyrir „forvitnilegasta bókatitilinn" á þýska bóka bókamarkaðnum 2010.

Bókin heitir á þýsku Zehn Tipps, das Morden zu beenden und den Abwasch zu beginnen. Almenningur getur kosið bókatitla á heimasíðunni kuriosesterbuchtitel.de. Bækurnar í sex efstu sætunum fara fyrir dómnefnd sem velur vinningshafann.

Þegar þetta er skrifað eru Tíu ráð í fjórða sæti en kosningin stendur til 20. september. Þess má geta að sigurvegarinn í fyrra var titillinn Lífið er enginn Waldorfskóli.