Heill her á bak við útlit Evu Longoriu

Leikkonan Eva Longoria Parker, sem sló í gegn í sjónvarpsþáttaröðinni Desperate Housewives, er ekki að skafa utan af því. Eva viðurkennir fúslega að hún þolr ekki að nota ilmvötn og þess vegna hefur hún útbúið sitt eigið ilmvatn.

Nú hefur Eva sett á markað fyrsta ilmvatnið sitt sem hún kallar einfaldlega Eva líkt og Sarah Jessica Parker og Kylie Minogue hafa nú þegar gert.

„Ég get ekki verið með ilmvatn. Ég er stöðugt hnerrandi og augun fyllast af tárum þannig að ég ákvað að búa til mitt eigið. Þá var ég að hugsa um allar konurnar sem eru eins og ég," sagði Eva.

„Ég vildi gera ilmvatn sem allir geta notað og ég elska það," sagði Eva.

Eva viðurkennir líka að það er heill her af fólki á bak við útlit hennar. Stílisti, förðunarfræðingur og hárgreiðslumeisari svo einhverjir séu nefndir.

„Það er heilt herlið af fagfólki sem hjálpar mér að líta svona út. Þetta er allt ein risastór blekking," sagði hún.

Annars heldur Eva því fram að svefn sé lykilatriði þegar kemur að því að lílta skikkanlega út.