J Lo elskar að horfa á gamanmyndir í bólinu

„Ég elska að horfa á rómantískar gamanmyndir í rúminu," segir Jennifer Lopez, í viðtali við AP fréttastofuna, í tilefni af nýjustu mynd hennar. Hún segist gjarnan vilja horfa á myndir í rúminu með sínum heittelskaða. Hann sé hins vegar ekki jafn hrifinn af því en láti það yfir sig ganga.

Nýjasta mynd Lopez heitir The Backup Plan og er einmitt rómantísk gamanmynd. Jennifer segir að myndin fjalli um konu sem njóti mikillar velgengni í lífinu. Hún hafi hins vegar ekki fundið þann eina rétta í lífinu og ákveði því að eignast barn einsömul. En þegar að hún hafi tekið þá ákvörðun grípi örlögin í taumana.