Neitar ástarsambandi

Leikkonan Halle Berry segir að franski leikarinn Olivier Martinez sé kynþokkafullur maður.

Halle og Olivier leika saman í væntanlegri kvikmynd Dark Tide en þau eru sögð hafa fallið fyrir hvort öðru strax og tökur hófust og um þessar mundir gera þau fátt annað en að leiðast og knúsa hvort annað á götum Parísar.

Hvorugt vill hinsvegar viðurkenna að þau séu par og þá sér í lagi Halle sem skildi við fyrirsætuna Gabriel Aubry fyrr á þessu ári en hún á með honum tveggja ára dóttur, Nöhlu.

„Olivier er gáfaður maður og hann er eins og ég, ástríðufullur leikari. Hann er í mínum huga mjög kynþokkafullur," sagði Halle.

Olivier hefur átt í ástarsambandi við fjölda þekktra kvenna eins og Angelinu Jolie, Miru Sorvino, Rosie Huntington-Whiteley og Juliette Binoche. Þá var hann í löngu sambandi með áströlsku söngkonunni Kylie Minogue.