Micha Barton sögð feitasta kona jarðar

Það er ekki tekið út með sældinni að vera stjarna í Hollywood. Því fékk Mischa Barton að kynnast í teiti nýverið. Mischa má reyndar muna fífil sinn fegurri hvað kvikmynda-og sjónvarpsferilinn varðar og hefur mátt þola ýmislegt mótlæti. Hún mátti því varla við að lesa illkvittnislegar athugasemdir fyrrum unnusta síns á twitter-síðu sinni.

Mischa og olíuerfinginn Brandon Davis voru par um skamma hríð. Þau hittust síðan í afmælisboði Nylon-tímaritsins í Los Angeles og í kjölfarið fór hinn ofdekraði Davis á twitter-síðu sína og lýsti því yfir að Barton væri hugsanlega feitasta kona jarðar. Hin rætnu skrif Davis fóru eðlilega illa í Barton sem sást skömmu síðar keðjurekjandi eftir því sem sjónarvottur sagði við New York Daily News.