Gettu betur: FB - FSu

Laugardaginn 27. febrúar, mættu strákarnir okkar í Gettu betur liði FSu í 8 liða úrslitum spurningakeppninnar. Keppnin fór fram í myndveri Útvarpshússins við Efstaleiti.

Liðið okkar skipa þeir Jóhann Andri Kristjánsson, Sigurgeir Örn Sigurgeirsson og Þorvaldur Hauksson en þeir hafa staðið sig eins og hetjur í keppnunum.

Strákarnir voru vel undir búinir og er greinilegt að þjálfari þeirra, Brynjar Birgirsson, hefur verið að gera góða hluti í sumar.

Keppnin var æsispennandi og strákarnir börðust hart til að vinna keppnina en svo varð ekki.

Gisli Gunnar Didriksen Guðmundsson var með skemmtiatriði frá FB og söng hann lagið Grimmhildur Grámann og stóð sig með príði.

Langt er síðan FB hefur unnið Gettu betur og ætlum við því að standa okkur enn betur næsta ár!



Þessi frétt er skrifuð af fulltrúa FB fyrir Skólalífið á Vísi.