Ekkert kynferðislegt eða rómantískt

MTV þáttastjórnandinn Vanessa Minnillo og söngvarinn Nick Lachey sem var giftur söngkonunni Jessicu Simpson, fara saman í sturtu af því að það er eini staðurinn sem þau geta talað almennilega saman.

Parið byrjaði saman árið 2006 eftir að Vanessa birtist í tónlistarmyndbandi Nick við lagið What's Left of Me. Þau hættu saman í nokkrar vikur í fyrra en eru nú byrjuð aftur saman.

Nú hafa Vanessa og Nick fundið leið til að eyða saman stundum í algjöru næði á baðherberginu.

„Það er ekkert kynferðislegt í gangi þegar við erum saman í sturtu og alls engin rómantík. Við sturtum okkur og ræðum málin sem ræða þarf í byrjun dagsins," útskýrði Vanessa.