Vill Mottola í stað Cowell

Idol-dómarinn Kara DioGuardi telur að fáir muni geta fetað í fótspor Simons Cowell í American Idol. Cowell yfirgefur Idol eftir að þessari þáttaröð lýkur og byrjar með bandaríska útgáfu af X-Factor.

„Að finna einhvern sem hefur mikla þekkingu á tónlist og er einnig áhugaverður persónuleiki verður erfitt verkefni,“ segir Kara, sem stingur upp á plötuútgefandanum Tommy Mottola, fyrrverandi eiginmanni Mariu Carey, sem góðum kosti. „Ég er ánægð með Tommy Mottola því hann hefur hjálpað mörgum að verða stjörnur. Það mikilvægasta er að næsti dómari þarf að vera sterkur persónuleiki.“