Heidi Klum með einkasýningu fyrir húsbóndann

Þýska ofurfyrirsætan Heidi Klum gengur langt til að viðhalda neistanum í hjónabandi hennar og söngvarans Seal. Hún heldur meðal annars einkatískusýningar fyrir hann.

Klum og Seal, sem eiga saman fjögur börn, endurnýja hjúskaparheitin á hverju ári og leggja mikið á sig til að viðhalda rómatínkinni. "Ég elska að klæða mig upp fyrir og skreyta mig með öllum skartgripunum sem hann hefur gefið mér. Það er ótrúlega gaman," segir Klum.

Það er nóg að gera í barnauppeldinu hjá þeim hjónakornum en þau gleyma samt ekki að eiga tíma fyrir sjálfan sig. "Það verður að forgangsraða en stundum getum við til að mynda skroppið til Parísar í helgarferð - það er að segja ef mamma mín er á svæðinu," segir Klum.