Gaf Beyoncé svipu

Söngkonan Lady GaGa kom vinkonu sinni Beyoncé heldur betur á óvart á dögunum þegar hún gaf söngdívunni sérhannaða svipu þakta demöntum ásamt brjóstahaldara og nærbuxum í stíl. Beyoncé varð 29 ára á dögunum og vildi Lady GaGa gefa vinkonu sinni eitthvað eftirminnilegt og sérstakt í tilefni tímamótanna.

Lady GaGa mætti með herlegheitin eftir tónleika Jay Z, eiginmanns Beyoncé, í Detroit og gaf henni pakkann í viðurvist rappara á borð við Eminemm, 50 cent og Dr.Dre. Beyoncé tók andköf af ánægju þegar hún sá svipuna og sögur herma að Jay Z sé að sama skapi ánægður með afmælisgjöfina.