Clooney er kelirófa

Bandaríski Hollywood leikarinn George Clooney og ítalska kærastan hans, Elisabetta Canalis, sáust kela á meðan þau snæddu saman á veitingahúsinu Da Giacomo í Mílano.

Parið, sem hefur verið saman undanfarið ár, er ástfangið upp fyrir haus ef marka má heimildarmenn.

„Þau voru nánast ofan í hvort öðru allan tímann sem þau sátu á veitingahúsinu. George borðaði með annarri hendinni en hélt utan um Elisasbettu og strauk henni með hinni," var haft eftir heimildarmanni.

Elisabetta sagði í nýlegu viðtali að George léti henni líða eins og hún væri orðin 18 ára gömul á ný. Hún er 32 ára.