Hélt framhjá Söndru með fleiri en einni konu

Fullyrt er í bandaríska tímaritinu US Weekly að Jesse James, hinn ótrúi eiginmaður Söndru Bullcok, hafi haldið fram hjá eiginkonu sinni með fleiri konum en  Michelle McGee. „Hún er bara sú fyrsta sem hefur sagt frá þessu opinberlega,“ hefur tímaritið eftir ónafngreindum heimildarmanni. „Þetta var ekki einangrað tilfelli. Honum leiddist þegar Sandra var ekki heima.“

Sandra flutti út eftir að í ljós kom að James hefði haldið við húðflúraða módelið Michelle "Bombshell" McGee um ellefu mánaða skeið. Framhjáhaldið stóð meðal annars yfir á meðan Sandra var í tökum á myndinni The Blindside sem hún fékk síðan Óskarinn fyrir á dögunum.