480 þúsund krónur nóttin

Leikkonan Hilary Duff, 22 ára, og hokkíspilarinn Mike Comrie eyddu brúðkaupsnóttinni í lúxussvítu á stórbýli eða búgarði öllu heldur í San Ysidro þar sem nóttin kostar 480 þúsund íslenskar krónur.

Athöfnin, sem var hin glæsilegasta, fór fram á meðan sólin settist í Santa Barbara á laugardagskvöldið að viðstöddum 100 gestum.

Nákvæmlega í sama herbergi og Hilary og Mike gistu dvöldu John F Kennedy og Jackie á brúðkaupsnóttina þeirra árið 1953. Jennifer Lopez og Marc Anthony gistu einnig í umræddu herbergi þegar þau gengu í heilagt hjónaband árið 2004.

Morguninn eftir mættu síðan gestir Hilary og Mike, eins og fyrr segir 100 talsins, og snæddu morgunverð á hótelinu með nýgiftu hjónunum.