Vill ráða David Beckham

Tom Cruise, 47 ára, vill að vinur sinn, David Beckham, leiki með sér í næstu Mission impossible kvikmynd sem ber yfirskriftina: Mission: Impossible IV.

Tom vingaðist við David og eiginkonu hans, Victoriu Beckham, eftir að Beckham-hjónin fluttu til Los Angeles árið 2007.

„Tom ætlar að gera Mission: Impossible IV að stærstu og bestu kvikmynd allra tíma. Hann hefur nú þegar planað að senurnar í henni verði ótrúlegar og að með honum í myndinni verði nokkrar af heitustu stjörnur samtímans," er haft eftir samstarfsmanni Tom.

„Hann vill fá David í lítið hlutverk sem er þó mikilvægt þegar kemur að söguþræðinum og plotti myndarinnar."

„David er risastór stjarna á heimsmælikvarða og fólk út um allan heim mun flykkjast á myndina til að sjá hann í myndinni."



Mission: Impossible IV kemur út í desember árið 2011.