Cannes hefst með Hróa Hetti

Hrói Höttur, með Russel Crowe í aðalhlutverki, verður opnunarmynd kvikmyndahátíðarinnar í Cannes, þann 12. maí næstkomandi. Fréttastofa BBC segir að myndin sé þó ekki tilnefnd til verðlauna á hátíðinni.

Auk Crowe fara þau Cate Blanchett og William Hurt með aðalhlutverk en það er Ridley Scott sem leikstýrir. Heimsfrumsýning á myndinni verður svo þann 14. maí. Með myndinni fetar Russel Crowe í fótspor manna líkt og Sean Connery, Errol Flynn og Kevin Costner sem allir hafa leikið manninn sem stal frá þeim ríku til að gefa þeim fátæku.