Vænta konunglegs brúðkaups á næsta ári

Starfsfólk í Buckinghamhöll gerir ráð fyrir að Vilhjálmur prins og Kate Middleton gangi í það heilaga á næsta ári. Þau muni svo fara í brúðkaupsferð á HM í rugby sem haldið verður á Nýja Sjálandi.

Tímaritið OK bendir á að Vilhjálmur hafi farið í sína fyrstu opinberu heimsókn til Ástralíu og Nýja Sjálands fyrr á þessu ári. Sú ferð hafi gengið mjög vel.

Talið er nær útilokað að brúðkaupið fari fram árið 2012 vegna annarra stórra atburða í Bretlandi. Þar á meðal Ólympíuleikarnir. Þá er árið 2013 talið til óheilla vegna tölunnar 13.