Skipti krakkpípunni út fyrir heilsufæði og vítamín

Villingurinn Amy Winehouse sást á dögunum í verslunarferð í Lundúnum. Sem væri ekki fréttnæmt í sjálfu sér fyrir utan að hún verslaði heilsufæði og vítamín.

Winehouse hefur hingað til verði þekktari fyrir óhóflega áfengis- og fíkniefnaneyslu og því taldist það til tíðinda þegar það sást til hennar í miðborg Lundúna í gær vopnuð heilsusamlegu fæði en ekki áfengi og krakkpípu.

Söngdívan tók sig vel út á röltinu en síðustu fregnir herma að hún ætli sér að giftast fyrrverandi fanganum og núverandi fíklinum Blake Fielder-Civil, en þau hafa átt í mjög sérkennilegu ástarsambandi undanfarin ár, bresku pressunni til ómældrar gleði.