Beckham er brandarakerling

Leikkonan Eva Longoria segir að Victoria Beckham sé vinsæl í Bandaríkjunum af því að hún er drepfyndin.

Eva, sem er best þekkt fyrir hlutverk sitt í sjónvarpsþáttunum Desperate Housewives, er góð vinkona Victoriu. Þær kynntust þegar sú síðarnefnda flutti til Los Angeles árið 2007 ásamt David og drengjunum þeirra þremur, Brooklyn, Romeo og Cruz.

„Við elskum að hafa stelpukvöld heima hjá annað hvort mér eða henni. Hún er góð vinkona, traust, ótrúlega fyndin og allir elska hana," sagði Eva um Victoriu.

Sagan segir að Beckham fjölskyldan ætli að búa framvegis í Los Angeles en húsið þeirra í Bretlandi er á sölu. Þau keyptu húsið, sem er staðsett í Sawbridgeworth í Hertfordshire árið 1999 fyrir 2,5 milljónir punda en andvirði eignarinnar í dag er 18 milljónir punda.