Höfuðverkur að hafa sig til

Söng- og leikkonunni Jessicu Simpson finnst fátt eins leiðinlegt og að hafa sig til.

Jessica reynir allt hvað hún getur til að líta vel út á rauða dreglinum klædd í kjóla eftir þekkta hönnuði, með hárið vel til haft og andlitsförðunina í góðu standi.

Hún segist leyfa andlitinu að „anda" á milli þess sem hún klæðir sig upp og málar andlitið fyrir hinar ýmsu uppákomur.

„Ég er ekki vön að vera með meik. Mér finnst fátt eins leiðinlegt og að hafa mig til þar sem ég þarf að vera rosalega fín. Ég velti mér á morgnana fram úr rúminu, set á mig andlitskrem og er síðan rokin út," sagði Jessica.