Slash að skilja

Fyrrum gítarleikari Guns N´Roses, Slash, 45 ára, réttu nafni Saul Hudson, hefur sótt um skilnað við fyrirsætuna Perla Ferrar sem hann gekk að eiga fyrir níu árum.

Perla og Slash gengu í heilagt hjónaband haustið 2001 og eiga saman tvo syni London Emilio, 8 ára, og Cash Anthony, 6 ára.

Slash hefur talað opinskátt um villt líferni hans og Perlu.

„Sid og Nancy gerðu fátt spennandi miðað við okkur," sagði Slash í viðtali í júní síðastliðnum. Hann viðurkenndi líka að samband þeirra hafi breyst töluvert eftir að hann hætti að drekka og dópa.

Lífið á Facebook.