Beth Ditto settist ofan á skíðagarp í beinni útsendingu

Söngkonan Beth Ditto settist ofan á austurríska skíðamanninn Hansi Hinterseer í vinsælum austurrískum sjónvarpsþætti í gærkvöldi.

Tiltækið vakti talsverða athygli, enda er Beth ekki í hópi íturvaxinna söngkvenna sem tröllríða myndbandamarkaðinum þessa daganna.

Beth er frægust fyrir að vera söngkonan í hljómsveitinni Gossip en hún hannar einnig föt fyrir konur í yfirvigt.

Það vakti því gríðarlega kátínu þegar hún mætti í skemmtiþáttinn. Hún heilsaði þáttastjórnandanum með kossi og settist svo ofan á Hansi sem tók uppátækinu vel.

Beth missti af vísu eyrnalokk við herlegheitin en það dró ekki úr henni heldur lék hún á alls oddi í þættinum sem er einhver vinsælasti skemmtiþáttur Evrópu.

Með henni í þættinum var einnig breska leikkonan Emma Thompson sem leiddist ekki uppátæki Beth. Söngkonan var andstutt eftir uppátækið auk þess sem hún svitnaði nokkuð. Hansi sýndi Ditto þá austurríska kurteisi og rétti henni vasaklút.