Sense & Sensebility bjargaði geðheilsu Thompson

Leikkonan Emma Thompson barðist við þunglyndi eftir skilnað sinn við leikarann Kenneth Branagh. Þetta sagði Thompson í útvarpsþættinum Desert Island Discs á BBC Radio 4.

Thompson skildi við Branagh stuttu áður en hún fór að vinna að myndinni Sense & Sensebility. Hún segir að vinnan við myndina og það að hafa kynnst leikaranum Greg Wise, sem er núverandi eiginmaður hennar, hafi bjargað geðheilsunni. „Ég held ég hafi ekki verið heilbrigð," sagði Thompson og bætti við að hún hefði átt að sækja sér hjálp.

Thompson skrifaði handritið að Sense & Sensebility og lék eitt aðalhlutverkanna. Annað aðalhlutverk lék Kate Winslet. Hún og Greg Wise voru farinn að slá sér upp saman. Það varð hins vegar lítið úr sambandi þeirra og Wise sneri sér að Thompson.