Vefsíða fyrir konur

Leikkonan Teri Hatcher úr Desperate Housewives ætlar að opna vefsíðuna GetHatched.com sem er ætluð konum. Þar geta konur spjallað við hana á opinskáan hátt um þau vandamál sem þær glíma við í daglegu lífi.

„Mig langar að búa til svæði sem konur geta leitað til eigi þær við vandamál að stríða. Vonandi myndast þar vettvangur fyrir hreinskiptar umræður og að konur átti sig á því að skrítnir hlutir geta komið fyrir okkur allar,“ sagði hin 45 ára Hatcher. „Ég vil glíma við vandamál með aðstoð húmors. Ég vil að samræður mínar við konurnar verði nánar. Það verða engir að fylgjast með og ég er ekki að gera þetta til að kynna næstu kvikmynd. Þetta snýst um venjuleg samtöl.“